“Studentë dhe studente, qytetarë e qytetare, të shqetësuar/a nga deklaratat skandaloze të Prorektores së Universitetit të Prishtinës, Teuta Pustina – Krasniqi, të cilat arsyetojnë ngacmimin seksual, nesër, ditë e mërkurë (28.03.2018) në orën 12:00 do të organizojnë një aksion simbolik para Rektoratit të Universitetit të Prishtinës, për t’a kundërshtuar dukurinë e ngacmimeve seksuale në UP.

Universiteti Publik i Prishtinës duhet të distancohet nga çdo deklaratë seksiste që vie nga përfaqësuesit e këtij institucioni dhe të shkarkojë ata/ato të cilët e kanë justifikuar fenomenin e ngacmimeve seksuale. Njëherësh, t’u kërkojë falje të gjitha vajzave/grave që kanë përjetu ngacmim seksual brenda universitetit duke nisur menjëherë hetime të rasteve, po ashtu ta rishikojë kodin e etikës dhe funksionalizimin e tij brenda institucionit” thuhet në këtë komunikatë./Lajmi.net/