Flotës detare të Britanisë së Madhe i shtohet nëndetësja më e madhe e prodhuar në vend.

Është fjala për HMS Audacious dhe peshon 7400 ton. Ajo u prezantua publikisht në portin e Kambrias, ku do të nisë udhëtimin e saj të parë në det.

Kostoja e prodhimit të saj arrin në 1 miliard Paund. Sipas zyrtarëve të Ministrisë Britanike të Mbrojtjes duhen 10 vjet për ndërtimin e nëndetëseve të tilla.

Nëndetësja funksionon me energji bërthamore dhe në bord mban raketa Tomahok, në gjendje të godasin me përpikëri objektiva të ndodhura mbi 1 mijë kilometra larg.

Fuqitë e mëdha ushtarake të botës janë përfshirë së fundi në një garë të ethshme armatimesh. Vetëm pak ditë më parë Kina prezantoi aeroplanmbajtësen më të madhe të prodhuar ndonjëherë në vend./mapo/