Pasi e kishte dyfishuar peshën e saj trupore, 33 vjeçare kishte vendosur se mjaft është mjaft, dhe kësisoj kishte filluar të kujdesej për ushqimin dhe ushtrimet e saja, transmeton Telegrafi.

Taryn dikur peshonte 115 kilogramë, por pas ndryshimeve në stilin e saj të jetës, ajo e ka humbur gjysmën e saj të trupit, ku tani peshon 58 kilogramë dhe ka marrë pjesë në dy gara bodibuildingu.

“Kur isha shpërngulur së pari në Mbretërinë e Bashkuar nuk kishte absolutisht ndonjë ide se si të ushqehem shëndetshëm. Haja çfarëdo që më dilte para, pastaj përpiqja të futesha në dietë duke ngrënë vetëm tost dhe duke mos ngrënë mëngjes. Asnjëherë nuk kam humbur peshë me këtë dietë dhe shpenzoja ditë duke menduar se përse nuk po humbi.

Ishte viti 2012 kur lind vajzën dhe e kuptova se diçka duhej ndryshuar. Kësisoj kisha filluar të bëja disa ndryshime të vogla, por efektive, në stilin e jetës të cilat më bënin të ndihesha një person më i mirë”, ka rrëfyer ajo.

Tani Taryn han tri shujta të shëndetshme në ditë dhe tri ushqime më të lehta, e gjithashtu ushtron në palestër pesë ditë në javë.

Dieta e Tarynit përfshin mish pule, peshk dhe shumë pemë e perime.

“Dua të jem e aftë t’i inspirojë të gjitha nënat të mos heqin dorë nga pasionet e tyre të jetës vetëm se kanë lindur fëmijë. Unë mund të jem nënë e një vajze, de njëkohësisht të jetojë ëndrrën duke garuar si bodibuildere”.

Sipas saj, sekreti i suksesit të saj për humbje të peshës mbetet edhe fakti se kompania ku punon ka palestër të veten, prandaj kjo i bën ushtrimet fizike gjatë pauzës së drekës.