Është arritur ujdia për “90 për qind të çështjeve teknike”, pas bisedimeve me sekretarin amerikan për Energjetikë, Ernest Moniz, deklaroi shefi i organizatës iraniane për energji bërthamore, Ali Akbar Salehi.

“Kemi mospajtime vetëm për një çështje të rëndësishme dhe këtë do të përpiqemi ta zgjidhin bashkërisht sonte”, tha Salehi, duke mos paraqitur detaje tjera.

Sekretari amerikan i Shtetit, John Kerry, dhe shefi i diplomacisë iraniane, Muhamed Xhavad Zarif, i vijuan sot bisedimet në Lozanë.

Agjencia amerikane e lajmeve AP shkruan se negociatat kanë filluar në atmosferë optimiste, pas deklaratës së Zarifit se janë zgjidhur mospajtimet kryesore ndërmjet Iranit dhe SHBA-ve.