Autoritetet lokale kanë mbyllur të martën rrugën kryesore për rreth 2 mijë refugjatë, kryesisht nga Siria, të cilët duan të shkojnë në Greqi.

Policia ka përdorur pendrekët në mënyrë që të shpërndajnë grupin prej rreth 300 njerëzish që kanë tentuar ta kalojnë kordonin e Policisë.

“Hapeni rrugën” ka bërtitur grupi i refugjatëve madje njëri nga ta ka gjuajtur jashtëqitjen në drejtim të policisë, transmeton AFP.

Rreth 1 mijë refugjatë në mesin e tyre një numër i madh i fëmijëve kanë kaluar natën nën tenda pranë rrugës, rreth 10 kilometra nga kufiri grek dhe 20 kilometra nga kufiri me Bullgarinë.

Edirne, qytet me rreth 170 mijë banorë është bërë pikë e re e grumbullimit që pretendojnë të shkojnë në Evropë.