Në shenjë proteste, Labinot Tahiri nesër dorëzon pasaportën e tij bashkë me vizën Schengen – Lajmi.net
Në shenjë proteste, Labinot Tahiri nesër dorëzon pasaportën e tij bashkë me vizën Schengen
Autori: Lajmi.net LajmePolitikë 23:12, 31 December 2018
Deputeti i AKR-së, Labinot Tahiri nesër në mesditë ka paralajmëruar se do të dorëzojë pasaportën e tij me vizën Schengen dhe atë amerikane.

Tahiri, këtë veprim – të paralajmëruar edhe më herët – ka thënë se do ta bëjë si protestë për mosliberalizimin e vizave dhe për të bashkëndjerë me qytetarët e izoluar të vendit.

Postimi i plotë i Tahirit pa ndërhyrje:

Vëmendje!

Qytetarë ju festoni se e meritoni, por unë nuk kam ndonje arsye për të festuar derisa e njoh dhe e ndjej dëshpërimin tuaj që nuk e perjetuat edhe këtë vit Liberalizimin e Vizave!

Të dashur qytetarë, si deputet i Kuvendit të Kosovēs, nesër është 1 Janari, edhe pse nuk kam premtuar për viza, e që premtuan shumë për heqjen e tyre, dhe kjo nuk ndodhi, unë këtë nuk mund ta përbijë. Nuk mund ta shoh më studentin, , të moshuarit dhe të sëmuarin para ambasadave edhe në këtë dimër , duke pritur për Viza!!

U bëj thirje e gjithë klases politike, të qëndrojmë të mbyllur që të na sheh e gjith Bota se jemi të izoluar padrejtesisht.

Nesër në Aeroportin ADEM JASHARI , në ora 12:30, e dorëzojë Pasaporten time me Viza Shengen dhe ate Amerikane, të cilat nuk i kam marrur nga pozita e Politikanit.

Me këtë gjest, edhe pse është në pyetje mirëqenja dhe sigurimi i të ardhurave për familjen time, unë kam vendosur ta bëj këtë hap, qoft edhe i gabuar apo i kushtueshem për familjen time.

Si Deputet i Kuvendit të Kosoves, izolohem tërsisht sebashku me familje dhe me qytetarët e mi duke mos dalur më në Evropë!

I dëshpëruar nga burgosja e popullates sonë, Labinot Tahiri Ferizaj Kosovë e Shqipërisë. /Lajmi.net/

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO