Në Maqedoni jetojnë mbi 70 mijë shqiptarë ortodoksë
Në Maqedoni jetojnë më shumë se 70 mijë shqiptarë ortodoksë, pretendon profesori Branisllav Sinadionovski.
Lajme
Në një deklaratë për mediet maqedonase, profesori sqaron edhe idenë e krijimit të Kishës Ortodokse Shqiptare në Maqedoni, të cilën e paraqiti të shtunën gjatë promovimit të librit të tij.
Sinadinovski thotë se formimi i Kishës Ortodokse Shqiptare është kërkesë e besimtarëve që, referuar të dhënave nga shekulli i 15-të, janë rreth 70 deri 75 mijë në Maqedoni.
“Askush nuk ka nevojë të ketë frikë nga formimi i Kishës Ortodokse Shqiptare, aq më pak Kisha Ortodokse Maqedonase. Sepse formimi i saj mundet veçse të lehtësojë procesin e zgjidhjes së problemeve me të cilat përballet sot kreu i Kishës Ortodokse Maqedonase”, tha Sinadinovski për 24Vesti, transmeton Zhurnali.
Sipas tij, formimi i Kishës Ortodokse Maqedonase është ëndërr e rilindësit shqiptar, Josif Bageri, përmendorja e të cilit pritet të vendoset së shpejti në zonën qendrore të Shkupit.