Këtë informatë për portalin maqedonas Plusinfo e ka konfirmuar Prokuroria Publike, e cila thotë se në terren janë gjetur trupat e 10 personave, për të cilët ekspertiza ka provuar se janë pjesëtarë të grupit të armatosur.

Nga MPB-ja s’kanë dashur ta komentojnë informacionin, porse vetëm kanë thënë se ajo që ata e kanë publikuar ka qenë “fillimisht” dhe “jozyrtare”.

Portali përkujton se, përkundër faktit se në aksionin në Kumanovë para dy javëve humbën jetën tetë policë dhe mbi 37 u plagosën, kryeministri Nikolla Gruevski thotë se ai aksion “do të hyjë në histori dhe në literaturën profesionale”, kjo me pretendimin se aty nuk e humbi jetën asnjë civil, edhe pse operacioni u krye në një territor të dendur me banorë.