Sipas raportit të agjencisë së lajmeve AFP, ministrat e vendeve anëtare të NATO-s miratuan masat asisoj që të bindin vendet e NATO-s në fqinjësi me Rusinë se aleanca veri-atlantike do t’i mbrojë ato dhe do t’iu ofrojë përkrahje.

Në kuadër të masave të përmendura janë patrullimet e përforcuara ajrore mbi Detin Baltik dhe përdorimi i njësive ushtarake mobile në Poloni dhe në vendet baltike.

“Ne mbrojmë aleatët tonë dhe i mbështesim partnerët tonë”, deklaroi Stoltenberg, duke shtuar se NATO do të aktivizojë katër fonde për ndihmë Ukrainës – për modernizimin e logjistikës, luftën kibernetike, komandën e kontrollit, si dhe shërbimet medicinale.