Anija kozmike Cassini e NASA-s ka ka marrë provat e para që reaksionet kimike po ndodhin thellë poshtë akullit e të cilat mund të krijojnë një mjedis të aftë për të mbështetur mikrobet, shkruan “The Telegraph”, raporton Gazeta Express.

Ekspertët thanë se zbulimi ishte “pjesa e fundit” e një misteri që  kanë provuar se jeta është e mundur në Enceladus, një zbulim i madh sepse hëna e vogël është 1.3  bilionë kilometra larg nga Dielli.

Profesor David Rothery, profesor i gjeoshkencës planetare, nga Open University, ka thënë: “Aktualisht, ne dimë vetëm për gjenezën e një jete, ajo që çoi tek ne”.

“Në qoftë se do të dinim se jeta ka filluar në mënyrë të pavarur në dy vende në sistemin tonë diellor, atëherë ne mund të jemi goxha të sigurt se jeta ka nisur edhe në disa nga dhjetëra miliarda planetët dhe hënat rreth yjeve të tjerë në galaktikën tonë”.

Oqeanet e lëngshme ekzistojnë disa kilometra nën sipërfaqe e Enceladus, kështu që në mënyrë që të gjejnë se çfarë po ndodh në dete shkencëtarët e detërave nëntokësore duhet të mbështeten në shtëllungat e sprejit që hidhen në atmosferë përmes të çarave në akull.

“Shtëllungat përmbajnë shenjat kimike të ndërveprimit ujë-gurë në mes të oqeanit dhe një bërthame shkëmbore. Ne gjejmë se burimi më i besueshëm i këtij hidrogjen është reaksioni i vazhdueshëm hidrotermal i shkëmbit që përmban minerale të reduktuara dhe materiale organike.

“Në Tokën moderne, lëndët gjeokimike të derivuara, të tilla si hidrogjeni, mbeshtesin ekosistemet edhe në mungesë të rrezeve të diellit”.

Enceladus është hëna e gjashtë më e madhe e Saturnit, dhe u zbulua në vitin 1789 nga astronomi britanik, William Herschel. Ajo është rreth 504 kilometra në diametër dhe rreth 1.2 bilion kilometra larg nga Toka.