Duke përdorur të dhëna nga teleskopi i NASA -s në hapësirën Kepler, dy praktikantë të NASA-s dhe një ekip astronomësh amatorë kanë gjetur një “super Tokë” të re, transmeton lajmi.net.

Afërsisht dyfishi i madhësisë së Tokës dhe i njohur si K2-288Bb, bota e re gjendet brenda zonës së banueshme të yllit të saj, duke ngritur shpresat se mund të përmbajë jetën.

Ajo është 226 vite dritë larg në Taurus, dhe mund të jetë shkëmbore ose mund të jetë një planet i pasur me gaz, i ngjashëm me Neptunin, thotë NASA.

Madhësia e saj është e rrallë në mesin e ekzoplaneteve – planetet përtej sistemit tonë diellor.

“Është një zbulim shumë emocionues për shkak të asaj se si u gjet”, tha Adina Feinstein, një student i diplomuar në Universitetin e Çikagos, i cili është gjithashtu autori kryesor i një dokumenti nga The Astronomical Journal.

Planeti shtrihet në një sistem yjor të njohur si K2-288, i cili përmban një çift të yjeve të zymtë dhe të ftohtë të ndara nga rreth 5.1 miliardë kilometra – rreth gjashtë herë distancën midis Saturnit dhe Diellit.

Zbulimi u bë kur në vitin 2017, Feinstein dhe Makennah Bristow, një studente universitare në Universitetin e North Carolina Asheville, punuan si praktikantë me Joshua Schlieder, një astrofizikant në Qendrën e Fluturimit Hapësinor Goddard të NASA-s në Greenbelt, Maryland. /Lajmi.net/