Nani në shitje
Mesfushori ofanziv i Manchester Unitedit, i huazuar në Sporting Lisbon, Nani, do të shitet gjatë afatit kalimtar të verës pasi gjiganti anglez nuk e konsideron se ai ka të ardhme në Old Trafford.
Sport
Manchester United është i gatshëm t’i vlerësojë ofertat për mesfushorin Nani, derisa Sporting Lisbon nuk ka mundësi të shfrytëzojë opsionin e blerjes së tij, ka bërë të ditur tabloidi britanik “Daily Express”.
Reprezentuesi portugez u rikthye në Sporting në fillim të këtij sezoni në formë huazimi pasi dështoi të lë gjurmë në Old Trafford nën drejtimin e David Moyesit.
Menaxheri i ri Louis van Gaal transferoi disa yje përfshirë sulmues dhe mesfushor ofanziv si Radamel Falcao dhe Angel Di Maria, dhe qartë nuk e konsideron Nanin si futbollist që ka të ardhme në klub.
Andaj, meqë Sporting nuk është në gjendje të paguajë pagën e lartë të futbollistit, Nani do të përfundojë në shitje në verën e vitit të ardhshëm.