Mustafa: Trepçën e shpëtuam nga likuidimi
Kryeministri Isa Mustafa ka thënë se Qeveria nuk është e sigurt nëse kthimi në kompani publike të kombinatit Trepça, do të kishte sukses.
Lajme
Ai ka thënë se paraprakisht duhet të hartohet një strategji për të parë se cila është forma më e mirë.
“Vuçiq dhe as Qeveria e Serbisë nuk është e përfshirë në këtë çështje. Hiqeni kompleksin e Vuçiqit”, ka thënë ai.
“Ligjin paraprak nuk e kemi hequr për shkak të Vuçiqit. E kemi hequr Trepçën sepse e kemi shpëtuar nga likuidimi”, ka shtuar ai.
Ndërkohë, seanca e Kuvendit të Kosovës ka vazhduar edhe sot me prezantimin e Projektligjit për ndërmarrjet publike nga ministri i Zhvillimit Ekonomik, Blerand Stavileci, i cili sqaroi se Trepça është paraparë të rregullohet me një ligj të veçantë.
Stavileci ka thënë se ekzistojnë shumë kërkesa të komunave drejtuar AKP-së, sa i përket ndërmarrjeve publike, gjë që deri tani pamundësoheshin për shkak të kufizimeve ligjore, por që sipas tij do të rregullohen me miratimin e këtij projektligj.
Nga ana tjetër, Muhamet Mustafa, kryetari i Komisionit për zhvillim ekonomik, ka thënë se duhet të precizohet një datë se kur do të përgatitet projektligji i veçantë për Trepçën. (KosovaPress).