Kryetari i Lidhjes Demokratike të Kosovës, Isa Mustafa, nga e hëna është duke marrë pjesë në takimin e Asamblesë Politike Popullore Europiane, i cili po mbahet në Bruksel.

Në një komunikatë të LDK`së thuhet se Mustafa është takuar me përfaqësues të Partisë Demokristine Gjermane dhe përfaqësues të Partisë Popullore të Austriake.

“Nga dje, në Bruksel, po mbahet takimi i Asamblesë Politike të Partisë Popullore Evropiane dhe ky është takimi i fundit para Kongresit të EPP-së, që do të mbahet në fillim të muajit mars”.

Në takim po merr pjesë edhe Kryetari i Lidhjes Demokratike të Kosovës,Isa Mustafa, si përfaqësues i të vetmes parti kosovare anëtare e këtij grupimi më të madh politik të Bashkësisë Evropiane, së bashku me zyrtarin ndërlidhës për EPP-në, Valon Halimi”.

“Përveç vendimeve përfundimtare për Rregulloren e Kongresit, në takim është biseduar gjithashtu edhe për rëndësinë e Kongresit së EPP’së, në të cilin do të emërohen kandidatët për President të Këshillit Evropian, si dhe kandidati i EPP’së për Kreun e Komisionit Evropian”.

“Gjatë takimit të Kryetarit Mustafa me përfaqësuesit e Partisë Demokristiane Gjermane, të cilët i falënderoi për angazhimin dhe ndihmën e tyre të përhershme dhënë Kosovës dhe LDK’së, Kryetari Mustafa gjithashtu pranoi ftesën për një vizitë zyrtare në Gjernani, e cila do të organizohet gjatë muajit shkurt”.

“Gjithashtu, Kryetari Mustafa u takua edhe me përfaqësuesit e Partisë Popullore Austriake, të cilët i përgëzoi për formimin e qeverisë së re dhe mori zotimin e tyre për integrimin sa më të shpejtë të Ballkanit perëndimor në EU”.

“Ndërsa, Daul, Kryetar i EPP’së, e uroj Kryetarin Mustafa për rezultatet e mira të LDK’së në zgjedhjet lokale dhe i informoi të pranishmit se së shpejti planifikon vizitën e tij në Kosovë”.