Mustafa emëroi Dalibor Jevtiqin ministër për Kthim

Kryeministri i Republikës së Kosovës, Isa Mustafa, emëroi sot Dalibor Jevtiqin nga Lista Serbe në pozitën e Ministrit për Komunitete dhe Kthim, njoftoi kabineti qeveritar.

Lajme

24/04/2015 14:03

Lista Serbe ka njoftuar Kryeministrin se do të kthehet aktivisht në Parlament dhe në Qeveri nga data 27 prill 2015.

Dje Mustafa ka pritur në zyrën e tij edhe katër kryetarët e komunave të veriut, Leposaviqit, Zubin Potokut, Zveçanit dhe Mitrovicës Veriore, ku janë harmonizuar qëndrimet që këto komuna të miratojnë buxhetet e tyre, në përputhje me ligjet e Kosovës, thuhet në njoftim. Jevtiq është pasardhës i Aleksandar Jabllanoviqit, i cili këtë pozitë nuk pati fatin ta shijojë për kohë të gjatë, pas shkarkimit që i bëri kryeministri Isa Mustafa.