Në fjalimin e tij, zëvendësministri Murtezaj ka theksuar të arriturat e vendit tonë në implementimin e strategjisë 2020 si dhe përkushtimin e Kosovës për të qenë pjesë e angazhimeve serioze për nxitjen e zhvillimit social dhe ekonomik në Evropën Juglindore.

Më tutje, në fjalimin e tij, Zëvendësministri Murtezaj, në referencë të kërkesave të strategjisë 2020, ka elaboruar gjithashtu për shtyllat e rritjes si: rritja e qëndrueshme dhe e integruar si dhe qeverisja për rritje dhe progresin që vendi ynë ka bërë deri tani.

Në takimin e bordit udhëheqës të strategjisë 2020 po marrin pjesë zyrtarë të lartë nga vendet e Evropës Juglindore./lajmi.net