MTI me aksion kundër kontrabandimit të mallrave në Kosovë

Inspektorati i Tregut në kuadër të MTI-së ka marrë urdhër për inspektimin e çdo dokumentacioni të produkteve të importuara nga Serbia.

Lajme

21/02/2019 12:45

Kjo është bërë e ditur përmes një postimi në Facebook nga ministri i Tregtisë, Endrit Shala, shkruan lajmi.net.

Sipas Shalës, qëllimi i këtij aksioni është që të bëhet verifikimi dhe sekuestrimi i secilit produkt që mund të jetë i kontrabanduar dhe tregtohet në Kosovë.

Ky është njoftimi i plotë i ministrit Shala:

Sot kam urdhëruar Inspektoratin e Tregut të MTI-së që në bashkëpunim me Inspektoratet Komunale të bëjnë inspektime intensive të tregut në Republikën e Kosovës, për të verifikuar çdo dokumentacion të produkteve të importuara nga Serbia dhe Bosnja e Hercegovina, por edhe nga vendet tjera dhe krahasimin e këtyre dokumenteve me produktet e ekspozuara në tregun tonë.

Qëllimi i këtij aksioni është që të bëhet verifikimi dhe sekuestrimi i secilit produkt që mund të jetë i kontrabanduar dhe tregtohet në Republikën e Kosovës.

Është obligim ligjor dhe kushtetues që të ndalojmë çdo lloj kontrabande, të sekuestrojmë çdo produkt për të cilin nuk dëshmohet prejardhja. Me këto veprime ne po mbrojmë qenien e shtetit tonë, dhe njëkohësisht konsumatorin, rrjedhimisht qytetarin e Kosovës.E.SH /Lajmi.net/