Kryeministri Mustafa e njoftoi për progresin në Kosovë, duke theksuar prioritetet e Programit Qeverisës për zhvillimin e qëndrueshëm ekonomik, punësimin dhe mirëqenien, sundimin e ligjit, agjendën evropiane si dhe reformat thelbësore në arsim dhe në shëndetësi, si pjesë e zhvillimit të vendit.

Kryeministri, sipas një komunikate për media, ka theksuar angazhimin e posaçëm të Qeverisë së Kosovës në proceset integruese evropiane, duke shprehur nevojën e nënshkrimit sa më shpejt të Marrëveshjes së Stabilizim Asociimit dhe liberalizimin e vizave për kosovarët.

Ministri i Punëve të Jashtme i Letonisë, nga ana e tij, vlerësoi progresin që po arrihet në Kosovë, duke shprehur përkrahjen e mëtejshme të Letonisë për Kosovën, veçmas në proceset integruese evropiane.

Kryeministri Mustafa dhe ministri Rinkevics biseduan edhe për avancimin e mëtejshëm të marrëdhënieve bilaterale dhe shkëmbimeve ndërmjet dy shteteve.