Një studim i Universitetit të Zyrihut, i publikuar në revistën “Trends in Biochemical Sciences”, kaanalizuar të dhënat e disa studimeve të mëparshme.

Qumështi i gjirit është ushqimi i parë që konsumojmë por shumë prej molekulave të sheqerit të tij nuk shërbejnë për të ushqyer fëmijën.

Fëmijët e porsalindur nuk kanë asnjë lloj bakteri në organet e tretjes, por pak ditë pas lindjes, këto lloj bakteresh bëhen miliona. Sheqeri i qumështit të nënës është “ushqimi” i parë i këtyre baktereve.

“Impakti i parë i qumështit të gjirit është krijimi i kushteve për kolonizimin e stomakut me grupe specifike bakteresh që mund t’i tresin ato. Të porsalindurit nuk kanë “pajisjen e duhur” për t’i tretur.

Qumështi i gjirit ndihmon edhe në ndërtimin e sistemit imunitar të fëmijës. Menjëherë pas lindjes, ai është i pasur me antitrupa dhe molekula që ngadalësojnë rritjen e baktereve të rrezikshme, koordinojnë aktivitetin e qelizave dhe rruazave të bardha të gjakut.

Një muaj nga lindja, kur fëmija nis të zhvillojë sistemin imunitar, përbërja e qumështit ndryshon dhe niveli i antitrupave reduktohet me 90 për qind. Gjithashtu, bie edhe numri i llojeve të molekulave të sheqerit, ndërsa numri i yndyrave dhe elementëve të tjerë ushqyes shtohet.

Por pavarësisht funksionit të shumëfishtë, fëmijët rriten të shëndetshëm edhe pa qumështin e nënës. Megjithatë kjo ka ngritur pikëpyetje mbi ndikimin në shëndetin e njeriut në terma afatgjatë.

“Qumështi i nënës është produkt i një evolucioni miliona vjeçar dhe përbëhet nga lëndë ushqyese optimale për të sapolindurin”, thotë Lubor Borsig, autor i studimit./parrotlla.net/