Mourinho ka pranuar se sulmi i skuadrës së Tottenhamit ishte thjesht i frikshëm, duke mos lënë këtu pa përmendur dhe gjyqtarin kryesor të takimit, i cili nuk dha një penallti të pastër në favor të Bluve kur rezultati ishte 1-0.

“Nuk ishte e lehtë për mbrojtësit e mirë që të luajnë kundër një Chadli shumë të mirë e sidomos kundër një lojtari të shkëlqyer si Harry Kane”, tha Mourinho.

“Kur ju pranoni pesë gola është e vështirë për të marrë nje rezultat pozitiv, mirëpo ne shënuam tre gola dhe kishim raste për të shënuar gola tjerë”.

“Të dy skuadrat ishin shumë të lodhura, dhe pjesa e fundit e ndeshjes ishte e thyer. Në këtë fazë ka mundur të ketë më shumë gola”.

“Në hapësirë kohore pre tre ditëve, ne jemi dëmtuar tmerrësisht shumë nga gjyqtarët, me dy vendimet e tyre të pabesueshme. Sidoqoftë, nuk dua të flas shumë për këtë gjë pasi mund të dënohem”.

“Ne kemi bërë disa gabime individuale në mbrojtje, mirëpo kur e kishim topin në posedim atëherë ishim çdo herë të rrezikshëm”.

“Njerëzit që e duan futbollin duhet ta duajnë edhe Hazardin, mirëpo ai vazhdon të dëmtohet nga kundërshtarët dhe nuk mbrohet fare nga gjyqtarët të cilët nuk bëjnë kurfarë reagimi.

Ndeshja e zhvilluar në Stamford Bridge ndërmjet Chelseas dhe Schalkes përfundoi me barazim 1-1.

“Ne kemi luajtur mjaftueshëm mirë për të fituar këtë takim. Ne kemi pasur raste të mira për ta dërguar rezultatin në 2-0”.

“Pas saj ne do kishim mundësi të shënojmë tre apo katër gola”.

Chelsea gjindet në Grupin G së bashku me Schalken, Mariborin dhe Sporting Lisbonën.