Mos i përgatisni këto ilaçe në shtëpi, mund të jenë të rrezikshme – Lajmi.net
Mos i përgatisni këto ilaçe në shtëpi, mund të jenë të rrezikshme
Autori: Lajmi.net LifestyleRecetaShëndeti 17:57, 15 August 2018
Ilaçet për sëmundje të ndryshme shpesh herë i përgadisim me produktet që i kemi në shtëpitë tona. Mirëpo, këto ilaçe popullore mund të mos jenë çdo herë të duhurat dhe mund të shkaktojnë edhe dëme anësore.

Disa nga ilaçet popullore që është më mirë të mos i përdorim janë:

Pastë dhëmbësh për aknet
Pasta e dhëmbëve mund t’i përthajë puçrat falë prezencës së sodës. Megjithatë ka shumë kimikate të shtuar (si alkooli, peroksidi i hidrogjenit dhe mentoli) në pastën e dhëmbëve, që mund të irritojnë lëkurën tuaj.

Pastrues lëkure nga arrat
Skrabi nga arrat për të larguar qelizat e lëkurës së vdekur nga trupi është një ide e keqe. Edhe pasi t’i shtypni arrat do të ketë shumë tehe të dhëmbëzuara, që përbëjnë rrezik për çarje të lëkurës.

Maska me të bardhën e vezës
Në kundërshtim me besimin e përgjithshëm maskat me të bardhën e vezës nuk i bën asnjë të mirë lëkurës. Përveç kësaj përmban rrezikun e infeksionit të salmonelës, i cili mund të shkaktojë diarre, ethe dhe shtrëngime barku.

Gjalpë për djegie
Mos përdorni kurrë gjalpë për të shëruar djegiet. Diçka e tillë mund t’iu vendosë përballë rrezikut për infeksion, pasi në gjalpë mund të rriten bakterie. Kur digjeni, hidhini shpejt ujë të ftohtë në vendin që digjeni, aplikoni krem me antibiotik dhe mbulojeni me të vendin ku jeni djegur.

Kos për infeksione mykotike
Një keqkuptim i zakonshëm është se kosi heq qafe infeksionet mykotike. Për fat të keq nuk ka të dhëna që të vërtetojnë diçka të tillë. Përdorimi i këtij produkti madje mund të çojë edhe në infeksione të tjera.

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO