Mos i hani thonjët, ja arsyet pse!

Shumë persona e kanë "ves" që ti hanë thonjët me dhëmbë .

Lifestyle

31/08/2017 22:17

Të gjithë e kemi ditur se kjo është gabim, mirëpo më poshtë janë 5 arsye se pse nuk duhet asnjëherë të kafshohen thonjët! 1. Mikrobet qëndrojnë nën thonj Nuk ka rëndësi a i lani duart apo jo, është shumë e vështirë që të hiqen të gjitha mikrobet dhe papastërtitë tjera nën thonjtë tuaj. Ekspertët nga SHBA thonë: “Vetëm imagjinojeni se çfarë jeni duke i bërë trupit tuaj sa herë që u jepni këtyre mikrobeve dhe papastërtive mundësinë që të hynë në gojën tuaj!”. Sapo mikrobet të hyjnë në trupin tuaj, shanset tuaja për sëmundje rriten dukshëm. Është koha që të mos i hani më! 2. Rreziku nga infeksionet Ngrënia e thonjve rritë rrezikun e infeksionit të keq, të njohur si ‘paronikia’. Simptomat përfshijnë ënjtje, skuqje dhe dhimbje përreth thonjve. Nëse infeksioni është bakterial, mund të ketë edhe flluska të mbushura me qelb. 3. Mbroni dhëmbët Dhëmbët tuaj janë për të përtypur ushqim dhe nuk duhet të përdoren si vegla. Ngrënia e rregullt e thonjve mund të bëjë që dhëmbët tuaj të zhvendosen nga vendi i tyre, që mund të çojë në nevojë për proteza. Madje, ngrënia e thonjve shkakton edhe thyerjen e dhëmbit dhe dëmtimin e smaltit të tij, transmeton Gazeta Express. 4. Rrezik më të madh nga mosrritja e thonjve Nëse vazhdimisht i hani thonjtë, gjasat janë se ju do t’i hani më shumë se që duhet. Kur një copë e një pjese të lëkurës së grisur shfaqet në rrënjët e thonjve tuaj, kjo njihet si ‘thoi që rri varur’. Thonjtë që qëndrojnë varur janë plagë të hapura që lehtë mund të infektohen. Shumica e thonjve të parritur shkaktohen në thonjtë e këmbëve, por ngrënia e thonjve mund të bëjë që thonjtë t’ju rriten edhe nën lëkurën e gishtave tuaj. Thonjtë e parritur mund të shkaktojnë dhimbje dhe ënjtje dhe potencialisht mund të çojë në infeksione për të cilat duhet të hyhet në operacion. 5. Rreziku nga helmimi toksik Nëse i lyeni thonjtë me llak, urgjent duhet të braktisni ngrënien e tyre. Llaku ka përbërës toksik që mund të jenë shumë të dëmshëm nëse hyjnë në trupin tuaj. Edhe pse sasia e vogël e toksicitetit mund të mos tregojë asnjë efekt të dëmshëm menjëherë, mund të ketë pasoja të mundshme afatgjate në shëndetin tuaj nëse i hani thonjtë./21Media