Molliqaj duke komentuar deklaratë e dëshmitarit kryesor në këtë rast, shitësit të motoçikletës, ka thënë se tregon që aktivistët e VV-së janë mbajtur pa të drejtë dhe se ky proces ka qenë i montuar.

Postimi i plotë i tij:

Sot, edhe njëherë u konfirmua pafajësia e aktivistëve tanë qe padrejtësisht po akuzohen për terrorizëm tash e një vit.

Dëshmitari kryesor i rastit, shitësi i motoçikletës, sot deklaroi se nuk i kujtohen personat që e kanë blerë atë nga ai dhe nuk e identifikoi asnjërin nga aktivistët si blerës.

Kjo tregon se deklaratat e mëhershme ishin të montuara politikisht ashtu siç është i montuar komplet ky rast.

Mbajtja e mëtutjeshme në burgje dhe në arrest shtëpiak e Adeas, Egzonit, Frashërit dhe Atdheut përbën një prej shkeljeve më të rënda të drejtësisë në Kosovë./Lajmi.net/