Ministrja serbe për Ballist Morinën: Nuk e dimë kur do ekstradohet
Serbia nuk ka asnjë informacion se kur do ta ekstradojë Kroacia Ismail Morinën, e pohuar kjo nga vetë Ministrja e Drejtësisë, Nela Kuburoviç.
Lajme
Morina i njohur dhe me nofkën Ballisti, lëshoi gjatë ndeshjes Serbi-Shqipëri tetorin e vitit 2014 një dron me hartën e Shqipërisë së madhe dhe portretet e Ismail Qemalit e të Isa Boletinit.
Për Beogradin, kjo përbën një vepër penale ndaj dhe serbët e kërkojnë tani me çdo kusht, ekstradimin e tij. Gjesti i Morinës i tërboi nacionalistët serbë, por ngjalli admirimin e atyre shqiptare që e shohin ndjekjen e çështjes së tij nga gjykatat si persekutim.
Ndalimi i tij nga policia kroate erdhi në kohën kur po udhëtonte drejt Italisë, në të cilën ka jetuar prej vitesh bashkë me familjen e vet.