Ministria e Tregtisë paralajmëron inspektimin e të gjitha hipermarketeve

Ministria e Tregtisë dhe Industrisë dhe Industrisë ka bërë të ditur se do të organizojë fushatë inspektimi në të gjitha pikat e hipermarketeve në tërë territorin e vendit. Kjo fushatë do të zgjasë deri më datën 31 dhjetor.

Lajme

18/12/2017 18:59

Nëpërmjet një njoftimi, MTI ka treguar se ky inspektim do të bëhet me qëllim të mbrojtjes së konsumatorit dhe informimit të bizneseve si partnerë në zhvillimin ekonomik.

Njoftimi i plotë i MTI’së:

Me qëllim të mbrojtjes së konsumatorit dhe informimit të bizneseve si partnerë në zhvillimin ekonomik, Ministria e Tregtisë dhe Industrisë (MTI) i njofton të gjitha bizneset (hipermarketet), që operojnë në rrjetin tregtar në Republikën e Kosovës, se duke u bazuar në shqetësimet e ngritura dhe ankesat e shumta të konsumatorëve në Departamentin për Mbrojtjen e Konsumatorit në MTI, nga data 19.12.2017 deri më 31.12.2017, do të organizojë fushatë inspektimi në të gjitha pikat e hipermarketeve në tërë territorin e vendit.
Gjatë këtij inspektimi do të bëhet verifikimi i gjendjes reale të çmimeve të produkteve të ekspozuara në shtande dhe çmimeve në arkë.