Kjo është vlera e gabimit financiar që Zyra Kombëtare e Auditorit (ZKA) ka gjetur në ekzekutimin e skemave të ndryshme pensionale nga ana e Ministrisë së Punës dhe Mirëqenies Sociale (MPMS).

Sipas gjetjeve të ZKA-së, gjatë vitit të kaluar në mënyrë joligjore janë paguar 921 mijë e 22 euro për persona që kanë qenë të punësuar, 701 mijë e 211 euro për përfitues të dyfishtë të skemave pensionale dhe 111 mijë e 935 euro janë paguar për persona të vdekur, shkruan express.Me këto dhe shkelje të tjera, sipas raportit të ZKA-së, thuhet se është pajtuar edhe ministri Skender Reçica.

“Ministri është pajtuar me gjetjet dhe konkluzionet e auditimit, si dhe është zotuar se do t’i adresojë të gjitha rekomandimet e dhëna”, thuhet në raport.