Intervistoi: Flutura Toplana

Shala në një intervistë për  lajmi.net ka folur me gjerësisht në lidhje me vendosjen e kësaj mase.

Ministri ka thënë se arsyeja kryesore për taksën ndaj produkteve të Serbisë dhe Bosnjës është ajo ekonomike.

“Propozimi im drejtuar Qeverisë së Republikës së Kosovës për vendosjen e kësaj mase, arsyet janë ekonomike, i kam sqaruar edhe në propozimin tim para ministrave të Qeverisë së Republikës së Kosovës. Nuk besoj që ka nevojë me hyrë në detaje pasi të gjithë e dinë sa pengesat Serbia dhe Bosnja e Hercegovina po i shkaktojnë Kosovës, bizneseve të Kosovës dhe me këto pengesa po e dëmtojnë zhvillimin ekonomik të vendit tonë”, ka thënë Shala.

Ministri ka folur edhe sa është paraparë që të zgjasë kjo masë tarifore, prej 10 për qind, ndaj produkteve të Serbisë dhe Bosnjës e Hercegovinë.

Gjithashtu, sipas ministrit masa duhet të vazhdojë kjo masë dhe nuk do ta kishte përkrahë qeverinë nëse do të kishte vendos më largu deri sa të arrihet efekti i paraparë.

Mirëpo, sesi po i sheh ministri reagimet nga Bashkimi Evropian, Serbia, Bosnja e Hercegovina, por edhe shtetet tjera mund t’i ndiqni në intervistën e realizuar nga lajmi.net.