Ministri Ismaili kërkon hetim të detajuar për vdekjet në QKUK, premton transparencë maksimale – Lajmi.net
Ministri Ismaili kërkon hetim të detajuar për vdekjet në QKUK, premton transparencë maksimale
Autori: Lajmi.net LajmeNacionale 11:35, 13 September 2017
Ministri i ri i Shëndetësisë, Uran Ismaili ka kërkuar hetime të dëtajuara dhe profesionale për rastin e vdkejeve në QKUK, që ndodhen të enjtën, disa ditë para se ai të merrte dëtyren. Ismaili në një deklaratë lëshuar për media tha se do të ndermerren masa të shpejta konform rezultateteve që do të dalin nga hetimet. Ai ka njoftuar me disa nga hapat që janë marrë dhe po merren nga MSH-ja dhe ka premtuar transparencë të plotë të procesit.

Më poshtë është deklarata e plotë e ministrit Ismaili

Dëshiroj të njoftoj të gjithë qytetarët e vendit për disa veprime konkrete që kemi marrë që nga e hëna për rastin e raportuar mbi vdekjet në QKUK.

Dëshiroj të njoftoj të gjithë qytetarët e vendit për disa veprime konkrete që kemi marrë që nga e hëna për rastin e raportuar mbi vdekjet në QKUK

Të gjitha inspektoratet e Ministrisë Shëndetësisë janë urdhëruar të shkojnë në QKUK për të filluar hetimet e pavarura dhe të detajuara;

Në mënyrë që ky rast të trajtohet me vëmendjen dhe seriozitetin më të madh, kam kërkuar që ekipet e inspektorëve të udhëhiqen nga zyrtarët e lartë të këtyre institucioneve si p.sh Kryeinspektorja e Inspektoratit te Shëndetësisë, U.D Kryeinspektorit Farmaceutik, Drejtori i Laboratorit për Kontroll të Cilësisë;

Kemi kërkuar raportim të rregullt nga SHSKUK-ja, për hetimet në sfera të tjera

Ekipet kanë izoluar të gjitha pajisjet dhe janë blombuar të gjitha mostrat;

Rekomandimet e ekipeve të MSh-së janë që për disa çështje të bëjmë edhe analiza jashtë vendit, dhe unë kam autorizuar zyrtarët e Ministrisë për të filluar menjëherë këtë;

Kam kërkuar nga të gjitha palët, që procesi të jetë transparent për publikun për çdo veprim të ndërmarrë. Po ashtu, ekipet e MSh, janë duke monitoruar edhe punën e ekipeve të QKUK-së.

Duke ditur ndjeshmërinë e rastit, kam ngritur çështjet në nivelin më të lartë, dhe pa dashur të paragjykoj ndonjë rezultat apo vendim, dëshiroj të siguroj të gjithë qytetarët se çfarëdo prove e keq-menaxhimit, neglizhencës ose ndonjë faktori tjetër, do ta ketë përgjigjen e menjëhershme institucionale.

Shërbimet e sigurta mjekësore dhe trajtimi i dinjitetshëm, janë e drejtë e çdo qytetari të Republikës së Kosovës dhe çfarëdo tentimi për të dëmtuar shërbimet për përfitime, apo për të neglizhuar situatat, do të ndëshkohet. Unë jam i vetëdijshëm për sfidat që ka ky resor dhe pikërisht për këtë, me ekipin tim, do të jemi të pa-kompromis ndaj të gjithë atyre faktorëve që kanë ndikuar apo ndikojnë që gjendja në shëndetësi të mos jetë ajo që qytetarët e dëshirojnë.

Në asnjë rrethanë nuk do të tolerojmë më neglizhencën apo çfarëdo veprimi tjetër, që e ndalë progresin në shëndetësi.

Kjo është dita e dytë e punës sonë dhe do të jetë një rrugëtim i gjatë dhe intensiv, por më shumë përkushtim dhe vullnet politik do të adresojmë sfidat kryesore të shëndetësisë, duke investuar në shërbime më të mira, kushte shumë më të mira, menaxhim më të mirë, e po ashtu, duke luftuar pakushte çdo dukuri që e lë mbrapa këtë resor; korrupsionin, keq-menaxhimin, shërbimet jo-adekuate dhe çfarëdo pengese tjetër. Për këtë kemi nevojë për mbështetjen e sinqertë të qytetarëve dhe çdo akteri tjetër që ka përgjegjësi në këtë segment./Lajmi.net/

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Pro Kicker Frenzy
  • Play 8 Ball Pool
  • Play Supercar Showdown
  • Play Urban Basketball