Ministri gjerman: Kalojeni demarkacionin dhe mos e pengoni Gjykatën Speciale – Lajmi.net
Ministri gjerman: Kalojeni demarkacionin dhe mos e pengoni Gjykatën Speciale
Autori: Lajmi.net LajmeNacionale 19:59, 14 February 2018
Ministri i Jashtëm gjerman, Sigmar Gabriel është takuar sot me kryeministrin, Ramush Haradinaj.

Gjatë një konference për media, ai ka uruar qytetarët e Kosovës për dhjetë vjetorin e pavarësisë.

“Ju përgëzoj për 10 vjetorin e pavarësisë së Kosovës. Gjermania bën pjesë në vendet e para që e kanë njohur Kosovën dhe është krenare me të arriturat e deritanishme. Gjermania dëshiron që edhe në të ardhmen të mbetet një partner i qëndrueshëm në Kosovë. Shpresojmë që Kosova të ketë stabilitet politik dhe ekonomik”, ka thënë  Gabriel, raporton lajmi.net.

Ai ka theksuar se sfidat të cilat duhet t’i kalojë Kosova janë zbatimi i ligjit, zbatimi i reformave po ashtu edhe çështja e gjyqësorit të pavarur, duke shtuar se duhet të zgjidhen edhe vrasjet në veri të vendit.

“Ne angazhohemi që Kosova të përgatitet për çështjet jo të këndshme janë ato Dhomat e Specializuara të cilat do të trajtojnë krimet e mundshme të luftës. Jam i lumtur që ka vullnet të zgjidhet edhe çështja e demarkacionit me Malin e  Zi është mirë që ky kriter të plotësohet dhe të zgjidhet çështja e vizave”, ka thënë ministri i Jashtëm gjerman.

“Këto takime janë të rëndësishme, ne gjermanët themi se ‘udhëtimi i formon njeriun’, është e rëndësishme që të dëgjojmë njëri-tjetrin. Do të ketë takim në mesin e ministrave të jashtëm edhe në Sofje”, ka përfunduar Gabriel./Lajmi.net/

 

Fjalët kyçe: Demarkacioni, Gabriel, Haradinaj

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Berry Rush
  • Play Bow Master
  • Play Turbo Racing 3
  • Play Zombie Big Trouble