Ministri Gashi uron Gjakovën e Krasniqin për medaljet e arta në Holandë – Lajmi.net
Ministri Gashi uron Gjakovën e Krasniqin për medaljet e arta në Holandë
Autori: Lajmi.net SportSporti VendorTë tjera 21:56, 17 November 2017
Ministri i Kulturës, Rinisë dhe Sportit, Kujtim Gashi, uron xhudistet Nora Gjakova dhe Distria Krasniqi për medaljet e arta të fituara në Grand Prix që po mbahet në Hagë të Holandës.

Nora Gjakova dhe Distria Krasniqi kanë fituar medalje të arta në Grand Prix që po mbahet në Hagë të Holandë.

“Fitoret e Norës ndaj gjermanes Theresa Stoll në kategorinë 57kg, respektivisht Distrias kundër spanjolles Estrella Lopez Sheriff, në kategorinë 52kg, janë një sukses i jashtëzakonshëm për xhudistet tona dhe ua lehtësojnë rrugën për në Lojërat Olimpike të Tokios që do të mbahen më 2020”, ka thënë Gashi, bëhet e ditur përmes një komunikate për media.

“I uroj Norën, Distrian, trajnerin Kuka, drejtuesit e Federatës së Xhudos, për suksesin e arritur. Puna e juaj duhet të jetë model edhe nxitje për të gjithë ne”, theksoi Gashi.

Ministri gjithashtu u shpreh se ngadhënjimi i dy xhudistëve është një lajm i mirë jo vetëm për xhudon kosovare e për sportin, por është një sukses që e mirëpret e tërë Kosova.

“Sukseset dhe fitoret e xhudisteve tona jo vetëm që na gëzojnë por edhe na bëjnë të ndjehemi të gjithëve krenarë. Tashmë ky sukses është një konfirmim se rezultatet që kemi në sportin e xhudos nuk janë një rastësi por se kemi ndërtuar një traditë dhe jemi model edhe për vendet tjera shumë më të mëdha dhe më të fuqishme ekonomikisht se Kosova”, u shpreh ai.

Gashi përmes këtij urimi shpreh përkushtimin e tij dhe të MKRS-së se sporti, federatat sportive dhe sportistët do të përkrahen edhe në të ardhmen në bazë të rezultateve që ata do të arrijnë. “Është obligim i ministrisë që të përmirësojë e plotësojë infrastrukturën ligjore e fizike për sportistë në mënyrë që të krijohen lehtësira për sportistë që ata të ushtrohen e garojnë për të prezantuar veten dhe Kosovën sa më cilësisht dhe me rezultate kulmore, nënvizoi ministri.

Fjalët kyçe: Kujtim Gashi, MKRS, Xhudo

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bow Master
  • Play Bike Rivals
  • Play Zombie Big Trouble
  • Play iStunt 2