“Kontribuues kryesor në këtë rritje ishte rritja më e lartë e të hyrave (kryesisht e atyre nga interesi) krahas rritjes së shpenzimeve. Si rrjedhojë e rezultatit financiar pozitiv gjatë vitit 2016, treguesit e profitabilitetit shënuan përmirësim”, thuhet në raportin vjetor të BQK-së, raporton RTKlive.

“Niveli i kredive joperformuese në raport me gjithsej kreditë në dhjetor 2016 u zvogëlua për 1.3 pikë përqindje, nivel ky më i ulëti në vitet e fundit, dhe zbriti në 2.9 për qind . Për më tepër, niveli i mbulueshmërisë së kredive joperformuese me provizioneve shënoi rritje të theksuar në 200.2 për qind i ndikuar nga rënia e vlerës së kredive joperformuese”, thuhet në raport.