Përditësimi i ri do të ofrohet për versionet 4.0.3 dhe 5.1 të Android. Microsoft thotë se ky version është më i lehtë jo vetëm në hapësirën që zë por edhe konsumin e memories RAM.

Ky version i Skype do të dërgohet në mbarë botën në javët në vijim.

Qasja e re e Microsoft është e ngjashme me atë të Android Go, një version i modifikuar i sistemit operativ i cili konsumon më pak resurse harduerike.

Telefonët me këtë sistem operativ janë dizajnuar për të funksionuar në vende dhe rajone me konektivitet të kufizuar interneti.

Edhe Facebook ka ndjekur një rrugë të ngjashme me Messenger Lite dhe Facebook Lite. Twitter po ashtu ofron një version Lite që nga Shtatori.