Meta pret Fatmir Limajn, të dytë “kundër” Edi Ramës për tarifën në Rrugën e Kombit
Presidenti i Shqipërisë, Ilir Meta ka pritur në një takim zv/kryeministrin e Kosovës, Fatmir Limaj. Temë diskutimi mes tyre ka qenë edhe Rruga e Kombit.
Lajme
Sipas njoftimit të Presidencës, mes Metës dhe Limajt është ndarë bindja se Rruga e Kombit është investimi më madhor që kanë bërë dy vendet tona, e që ka ndihmuar ndjeshëm rritjen e shkëmbimeve të gjithanshme midis dy vendeve dhe qytetarëve tanë.
Por, shprehet rezerva për tarifën në këtë rrugë.
“Mirëmbajtja dhe rritja e standardeve të lëvizjes dhe sigurisë është shumë e rëndësishme, por çdo vendim në këtë drejtim duhet të jetë i mirëstudiuar dhe i konsultuar, në mënyrë që ky korridor kombëtar jetik të gjenerojë edhe më shumë zhvillim dhe mirëqenie për qytetarët tanë”, thuhet në deklaratën e shpërndarë nga Presidenti Meta.
