Messi dominon Ronaldon
Sulmuesi i Barcelonës, Lionel Messi, e ka filluar në mënyrë të jashtëzakonshme vitin 2015. Ylli argjentinas ka realizuar gjashtë gola në La Ligë, për dallim nga tre të rivalit nga Real Madrid, Cristiano Ronaldo.
Sport
Lionel Messi e ka filluar furishëm vitin 2015. Sulmuesi i Barcelonës ka realizuar gjashtë gola deri më tani gjatë këtij muaji në La Ligë.
Dhe, kështu ai e ka dominuar rivalin e tij nga Real Madrid, Cristiano Ronaldo, i cili më 2015 ka shënuar vetëm tri herë.
Ndonëse, ylli portugez vazhdon të kryesojë në renditjen e realizatorëve më të mirë në kuadër të La Ligës me 28 gola, Messi është duke iu afruar shpejtë.
Reprezentuesi argjentinas gjendet në kuotën e 21 golave dhe mund t’i afrohet edhe më tepër Ronaldos i cili do të mungojë sigurt në ballafaqimin e radhës të Real Madridit për shkak të përjashtimit në duelin me Cordoban në fundjavë.