Është vetëm çështje ditësh, por Lionel Messi do të vazhdojë kontratën e tij me Barcelonën. Portali Sport.es ka bërë të ditur se ylli argjentinas do të jetë ‘përforcimi’ i parë i gjigantit katalan për edicionin e ri.

Palët raportohet se kanë arritur marrëveshje në bazë prej rreth 20 milionë eurosh në stinor, për pesë vitet e ardhshme, duke e shndërruar Messin në futbollistin më të paguar në botë.

Detajet e fundit pritet të sqarohen para të shtunës, kur do të zhvillohet ‘finalja’ e madhe e La Ligës kundër Atletico Madridit.

Gjiganti katalan do ta mbrojë titullin e kampionit në Spanjë në rast të fitores ndaj skuadrës së Diego Simeones. Por, mysafirëve ju konvenon edhe barazimi për t’u kurorëzuar me titull kampion. 

E ardhmja e Lionel Messit është në Barcelonë.

Ylli argjentinas do të largojë të gjitha spekulimet që e vejnë në dyshim qëndrimin e tij në Camp Nou.

Ai është shumë pranë vazhdimit të kontratës me gjigantin katalan, ka njoftuar e përditshmja sportive Mundo Deportivo.

Messi nuk dëshiron të largohet nga Barcelona dhe Barcelona nuk dëshiron të ndahet me futbollistin e saj kryesor, andaj palët janë duke diskutuar detajet e fundit para zyrtarizmit të marrëveshjes për vazhdimin e bashkëpunimit.

Krerët e klubit duan të zyrtarizojnë kontratën e re të Messit para fillimit të Kampionatit botëror 2014 në Brazil.