Messi do të vazhdojë me Barcelonën
Lionel Messi dhe Barcelona kanë arritur marrëveshje për vazhdimin e bashkëpunimit dhe do ta zyrtarizojnë kontratën e re të yllit argjentinas brenda kësaj jave, raporton Sport.es.
Sport
Është vetëm çështje ditësh, por Lionel Messi do të vazhdojë kontratën e tij me Barcelonën. Portali Sport.es ka bërë të ditur se ylli argjentinas do të jetë ‘përforcimi’ i parë i gjigantit katalan për edicionin e ri.
Palët raportohet se kanë arritur marrëveshje në bazë prej rreth 20 milionë eurosh në stinor, për pesë vitet e ardhshme, duke e shndërruar Messin në futbollistin më të paguar në botë.
Detajet e fundit pritet të sqarohen para të shtunës, kur do të zhvillohet ‘finalja’ e madhe e La Ligës kundër Atletico Madridit.
Gjiganti katalan do ta mbrojë titullin e kampionit në Spanjë në rast të fitores ndaj skuadrës së Diego Simeones. Por, mysafirëve ju konvenon edhe barazimi për t’u kurorëzuar me titull kampion.