Messi, çka i ke punët?
Barcelona ka njoftuar se Lionel Messi është duke u stërvitur, por klubi katalan nuk ka bërë të ditur nëse ylli argjentinas do të jetë në dispozicion për ndeshjen kundër Athletic Bilbaos, të shtunën.
Sport
Barcelona ka njoftuar se Lionel Messi, së bashku me Andres Iniestan e Thomas Vermaelen kanë stërvitur së bashku, në mungesë të një numri të madh të bashkëlojtarëve që kanë shkuar në obligimet e tyre ndërkombëtare.
Mirëpo, gjiganti katalan nuk ka bërë të ditur nëse Messi, ose dy të tjerët do të rikuperohen për ndeshjen e ardhshme kundër Athletic Bilbaos në Camp Nou, të shtunën.
Messi ka një problem muskulor, Iniesta nuk ndihet mirë në gju, kurse Vermaelen, i cili erdhi në Barcelonë gjatë afatit kalimtar të verës ka ende telashe me preponat.
Barcelona është i vetmi ekip në La Ligë që ka shënuar dy fitore në dy xhirot e para të sezonit të ri.