Studiuesit kanë zbuluar se femrat të cilat dëshirojnë një marrëdhënie afatgjate i pëlqejnë më shumë meshkujt të cilët buzëqeshin – kjo pasi ky lloj i meshkujve u duket më tërheqës atyre.

Femrat gjithashtu i vlerësuan meshkujt si më të besueshëm kur ata buzëqeshin se sa kur kanë një shprehje neutrale, transmeton Lajmi.net.

Megjithatë, femrat të cilat kërkojnë një marrëdhënie afat-shkurtër nuk i shohin meshkujt që buzëqeshin më tërheqës, thanë psikologët nga Universiteti i Oslos dhe Universiteti Senshu në Japoni.

Meshkujt të cilët duken më të besueshëm janë një alternativë më tërheqëse për një marrëdhënie afatgjate, thanë hulumtuesit.

“Buzëqeshja e rritë atraktivitetin e mashkullit për një marrëdhënie afatgjate, por jo për një marrëdhënie afat-shkurtër,” thanë studiuesit.

“Rezultatet e këtij studimi janë në përputhje me idenë se karakteristikat sociale janë kryesisht të rëndësishme për partnerët afatgjatë por jo për partnerët afatshkurtër, për shkak se bashkëpunimi afatgjatë është i nevojshëm në të qenit prind,” shtuan ata.

Përderisa fytyrat neutrale u perceptuan si më mashkullore, fytyrat e qeshura u perceptuan si më të besueshme. (Lajmi.net)