Mesazhi i gabuar në WhatsApp ua ndryshoi jetën përgjithmonë – Lajmi.net
Mesazhi i gabuar në WhatsApp ua ndryshoi jetën përgjithmonë
Autori: Lajmi.net FunRrjetet Sociale 11:47, 20 March 2018
Një çift ka treguar se si një mesazh i dërguar në numër të gabuar në WhatsApp, ndryshoi jetën e të dyve.

Vitin e kaluar, Lina Dahlbeck, 37 vjeçe nga Londra, mori një mesazh në WhatsApp nga një numër i panjohur, për të cilin ajo mendoi se u dërgua gabimisht.

Mesazhi, u dërgua nga Michael Evangelou, 44 vjeç, gjithashtu nga Londra, në një numër për të cilin ai mendoi se ishe i tij dhe që dëshironte t’ia përkujtonte vetes për ta parë një film në kinema.

Megjithatë, ai u trondit kur pa se mesazhi ishte dërguar në një numër të gabuar. Pasi ajo ia ktheu mesazhin dhe i tha “Kush je?”, ai e kuptoi se mesazhi i tij ishte dërguar gabimisht, transmeton Gazeta Express.

Ata vazhduan bisedën, në përpjekje për ta kuptuar saktë se çfarë ndodhi. Pavarësisht se nuk ishin takuar kurrë, Dahlbeck dhe Evangelou biseduan në WhatsApp gjithë ditën para se të caktonin një takim për të pirë diçka.

“Biseduam gjatë dhe nëse nuk do të isha beqare nuk mendoj se do të vazhdonim bisedën”, tha Dahlbeck.

“E kisha parë atë në fotografinë e profilit të tij në WhatsApp dhe mu duk tërheqës”, tha ajo.

Çifti u takuan në një restorant vetëm katër orë pasi mesazhi i gabuar ishte dërguar, u puthën më vonë natën dhe u takuan përsëri të nesërmen.

“Që të dy ishim të habitur nga e gjithë kjo – ne po dilnim vetëm pak orë pas një mesazhi në WhatsApp. Ishim të bindur se fati na bashkoi”, shtoi ajo.

Romanca e tyre e papritur u kurorëzua me një martesë vetëm dy javë pas takimit të parë. Shtatë muaj më pas, Dahlbeck dhe Evangelou ende nuk mund ta besojnë se sa shumë ka ndryshuar jeta e tyre prej një mesazhi të dërguar gabim në WhatsApp.

 

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO