Por pa kritere nuk është as Lista Serbe.

Kjo listë kërkon që të ndalet privatizimi në hapësirat ku jetojnë serbët, si dhe krijimi sa më i shpejtë i Asociacionit të komunave me shumicë serbe në Kosovë.

Mirëpo, përfaqësuesit e ‘bllokut’ janë optimistë se këto kritere do të kalohen në saje të bisedimeve dhe angazhimeve të ardhshme, shkruan Tribuna.

Agim Veliu nga Lidhja Demokratike e Kosovës, kushtet e Listës Serbe, i quan gjëra që bëhen për konsum ditor.

Dhe ai beson që nuk ka aso kushtëzimesh të cilat do të mund ta pengonin procesin.

“Ne jemi duke biseduar për të krijuar Qeverinë dhe besoj se do të gjejmë mirëkuptim. Mendoj se kushtet e Listës Serbe janë gjëra që bëhen për konsum ditor. Dhe në fund të fundit, këto kushtëzime do t’i largojmë dhe nuk e besoj që ka aso kushtëzimesh të forta të cilat do të pengonin futjen në koalicion me bllokun”, ka thënë Veliu.