Pavarësisht kësaj, me apo pa Champions sezonin e ardhshëm, drejtori sportiv Piero Ausilio shprehet se sulmuesi argjentinas Mauro Icardi, kapiteni i skuadrës, nuk do të largohet në merkaton e verës.

“Icardi ka 3 vite kontratë më ne dhe e ardhmja e tij, pavarësisht renditjes përfundimtare të Interit, do të jetë këtu. Ne presim fundin e kampionatit për të diskutuar të qetë, të gjithë së bashku.

Vendi i katërt apo i pestë në renditje nuk do të ndryshojë asgjë në të ardhmen e sulmuesit. Mauro nuk është në merkato dhe kushdo që të trokasë në derën tonë do të marrë një përgjigje negative”, tha Ausilio.