Merkel: NATO e rëndësishme edhe për SHBA-të – Lajmi.net
Merkel: NATO e rëndësishme edhe për SHBA-të
Autori: Lajmi.net BotaLajme 19:57, 17 February 2017
Angela Merkel
Angela Merkel
Kancelarja gjermane, Angela Merkel vuri theksin në rëndësinë e NATO-s për evropianët, ashtu si dhe për SHBA-të, ndërsa pasiguritë për të ardhmen e marrëdhënies transatlantike kanë peshë të veçantë në Konferencën vjetore për Sigurinë në Mynih që nisi sot.

“Besoj se duhet të jemi të vetëdijshëm për vlerën e ndërsjellët të NATO-s”, deklaroi kancelarja gjatë një konference shtypi në Berlin me kryeministrin kanadez, Justin Trudeau.

“Është e vërtetë për ne në Gjermani dhe për anëtarët evropianë të Aleancës Trasatlantike, por kam bindjen gjithashtu se SHBA ka shpalosur potencialin e saj në sajë të NATO-s, pasi NATO është një organizatë po aq e rëndësishme për Shtetet e Bashkuara të Amerikës”, vijoi Angela Merkel.

Presidenti amerikan, Donald Trump është treguar mjaft kritik ndaj Aleancës së Atlantikut gjatë fushatës së tij elektorale në një moment, kur Rusia ushtron trysni mbi kontinentin e vjetër dhe ku NATO e dominuar nga SHBA, shfaqet e vetmja fortesë kundër Vladimir Putin.

Ai e kishte cilësuar gjithashtu Aleancës “të vjetëruar”, duke shprehur hapur pakënaqësinë ndaj aleatëve për mospagim të kuotave financiare.

 

 

Fjalët kyçe: Angela Merkel, NATO, SHBA

Fotolajm

Trudeau ndihmon një të ri me karrocë (Foto)
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Zombie Big Trouble
  • Play Bow Master
  • Play Urban Basketball
  • Play Urban Basketball