Mercedesi i harruar në parking që tre vite
Pronari i këtij Mercedesi ka grumbulluar më shumë se £14,000 borxh ndaj kompanisë së parkimit, pasi që duket se e ka lënë veturën në parking që tre vite dhe nuk është kthyer më kurrë për ta marrë atë.
Fun
Parkingu ndodhet në zonën Broadway Plaza në qendër të qytetit të Birmingham.
Kompania e parkingut APCOA zbuloi se makina ishte e hapur dhe kështu gjeti evidencë brenda, të cilat i dhanë emrin e shoferit nga Coventry, transmeton Lajmi.net.
Por, të gjitha përpjekjet për të rënë në kontakt me atë person kanë dështuar. Aty u gjet gjithashtu se boshti mbrapa veturës është dëmtuar, që do të thotë se Mercedesi nuk ka mundur të largohet nga aty pa u rregulluar, transmeton Lajmi.net.
Policia është ende në kërkim të personit të cilit i përket makina, por në qoftë se nuk gjendet makina patjetër se do të hiqet nga aty.
Nuk ka të dhëna se Mercedesi është i vjedhur.