Në të gjitha rastet, mediat e Austrisë, sidomos ato të specializuara financiare, tregohet se Republika e Kosovës duhet të shlyejë pagesën brenda dy javëve.

Këto media citojnë edhe zyrtarët e lartë të kompanisë OeSD sipas të cilëve, në rast se kjo pagesë nuk shlyhet, atëherë ata kanë të drejtë që të kërkojnë nga shteti i tyre që të konfiskojë pasuri të Kosovës në Austri, raporton lajmi.net.

MPB-ja e ka humbur rastin në Gjykatën e Arbitrazhit në Paris për shkak të shkëputjes së kontratës në mënyrë të njëanshme për furnizim me pasaporta nga ana e kësaj ministrie. Lidhur me këtë vendim, kanë raportuar edhe mediat në Serbi.

Pagesa 1.4 milion euro nuk ishte shlyer nga MPB-ja, por tash shuma që duhet shlyer është 5 milionë euro, ky hyjnë edhe kamatat, dëmshpërblimi etj. /Lajmi.net