Hulumtuesit analizuan 124 lloje dhe gjetën se 75 lloje përballen me kërcënimin e zhdukjes – me 13 konsiderohen të rrezikuara në mënyrë kritike, 40 të rrezikuara dhe 22 të klasifikuar si të pambrojtur.

“Në përgjithësi, fakti që rreziku i zhdukjes në të gjitha llojet e kafesë ishte kaq i lartë – pothuajse 60 për qind – kjo është më shumë se shifrat normale të zhdukjes së bimëve”, tha për AFP , Aaron Davis, një nga autorët kryesorë të studimit .

Për krahasim, 6 për qind e lajthive dhe 9 për qind e fistikëve përballen me një kërcënim zhdukjeje, përveç rreth gjysmës së të gjitha llojeve të çajit dhe mango.

Më shumë se dy miliardë filxhanë kafe konsumohen në mbarë botën çdo ditë. Tregtia botërore mbështetet në dy lloje, Arabica dhe Robusta, të vetmet dy fasule të egra kafeje që pimë dhe të dyja janë të listuara në mesin e specieve të rrezikuara.

Arabica – e cila rritet natyrshëm në Etiopi dhe në Sudanin e Jugut – përbën 60 për qind të industrisë globale me shumë miliardë dollarë, ndërsa Robusta llogaritet për 40.

Hulumtuesit kanë studiuar 40 vjet të dhëna të klimës në vend dhe zbuluan se një e treta e Arabica të egër është rritur jashtë zonave të mbrojtura të ruajtjes.  /Lajmi.net/