“Kjo situatë do të rregullohet për 15 ditë”, garantoi sot ministri grek i Politikës Migratore, Yiannis Mouzalas duke theksuar se qeveria synon të instalojë kampe provizore në të gjithë vendin që mund të presin 2 000 deri në 3 000 persona.

Ky bllokim i migrantëve erdhi pas vendimit të Maqedonisë, para një jave, për të mbyllur kufirin për afganët.

Ajo kërkon gjithashtu nga sirianët dhe irakianët dokumenta identifikimi përveç lejes së kalimit të dhënë në qendrat greke të regjistrimit.

Sllovenia dhe Kroacia, anëtare të BE-së, si dhe Serbia dhe Maqedonia njoftuan të premten se do të limitojnë në 580 numrin ditor të migrantëve që do të tranzitojnë drejt Evropës Veriore.