Lojtari sic duket është penduar shumë për lëvzijen që ka bërë edhe pse tashmë lahet në para.

Sulmuesi argjentinas, që ka luajtur për Manchester Unitedin, Manchester City dhe Juventusin, nuk i ka kursyer kritikat për futbollin kinez.

Futbollisti së fundmi është kritikuar nga klubi i tij për shtimin në peshë dhe prej pak ditësh është lënë pushim pasi vazhdon në palestër për rënien nga pesha.

Ai ka thënë se lojtarët janë mjaftë të dobët.

“Në Amerikën e Jugut dhe në Evropë mësohet futbolli që kur je fëmijë”.

“Në Kinë, jo. Nga ana teknike nuk janë të mirë. Besoj se edhe pas 50 vitesh, futbollikinez nuk do ta arrijë dot nivelin e futbollit evropian”, ka thënë Tevez për një medium francez.

Argjentinasi është lënë kohëve të fundit jashtë skuadrës pasi ka shtuar shumë peshë.

Ai luan në Kinë qe një vit e gjysmë, por ka zhvilluar vetëm 12 ndeshje dhe ka shënuar tre gola.