Mbytet në bazenin e gomës 2-vjeçarja nga Podujeva

Një vajzë e moshës 2 vjeçare nga fshati Bellopojë e Podujevës ka ndërruar jetë dje derisa po lahej në një bazen në oborrin e shtëpisë së saj.

Lajme

06/07/2016 10:26

Këtë e ka konfirmuar për Indeksonline zëdhënësja e Policisë në Podujevë, Antigona Çitaku, e cila ka thënë se vajza është mbytur aksidentalisht.

“Dje në ora 17:55 është raportuar një rast në Qendrën Klinike Universitare në Prishtinë për trupin e pajetë të një fëmije të gjinisë femërore dy vjeçare. Sipas informatave të para, ajo është mbytur aksidentalisht në një bazën gome të vendosur në oborrin e shtëpisë së saj”, k,a thënë ajo.

Sipas Çitakut, vajza është sjell në QKUK në ora 17:20, ku mjekët e kanë konfirmuar vdekjen e saj.