Vetëm në provincën Katamndu , janë vdekur 71 persona, bënë të ditur zëdhënësi i Ministrisë së Brendshme, ndërsa në zonën e Baktapur më shumë se 43 të tjerë.

Megjithatë, këto nuk janë shifrat përfundimtare, pasi që agjencitë botërore të lajmeve, raportojnë se numri i të vdekurve mund të jetë shumë më i madh.

Dridhjet më të mëdha të tokës, prej 7.9 shkallë të riterit, kanë goditur pjesën perëndimore të Katmandus, transmeton lajmi.net.

Janë shkaktuar shembje të mëdha të objekteve, një numër i madh i njerëzve janë lënduar, ndërsa në qytet është ngritur një sasi e madhe e pluhurit, raportojnë mediat, bazuar në dëshmitarët.

————————————————————-

Mediat ndërkombëtare raportojnë se numri i të vdekurve nga tërmi i fuqishëm që ka goditur Nepalin dhe veriun e Indisë, ka arritur në mbi 150. Një numër i madh i personave gjenden nën rrënojat e objekteve të shembura.

Sipas raportimeve të “International Bussines Times”, thuhet se numri i të vdekurve mund të shtohet. Edhe mediat tjera ndërkombëtare citojnë banorët të cilët thonë se kanë parë persona pa shenja jete apo edhe me lëndime serioze pasi kulla historike, Dharara e ndërtuar në shekullin e 19-të është shembur.

Reuters raporton se së paku 50 persona konsiderohet se kanë mbetur të ngujuar brenda gërmadhave të kësaj kulle.

Shërbimi Gjeologjik amerikan ka njoftuar tërmeti me magnitudë prej 7.9 shkallë të riterit, ndërsa epiqendra ishte rreth 50 km nga kryeqyteti, Katmandu.