Matoshi e konsideron raportin e PISA-s si tragjedi (Video)

Analisti dhe publicisti Halil Matoshi konsideron se raportit i PISA-s është tragjedi, sepse sipas tij ka dështuar sistemi arsimor së bashku me kurrikulat e sistemit të arsimit të vendit tonë.

Lajme

06/12/2016 23:40

Matoshi po ashtu tha se në librat e vendit tonë ende mësohet për gjëra, të cila nuk iu hyjnë në punë fëmijëve dhe nuk mësohet për diturinë, për t’i përgatitur fëmijët për të qeverisur botën.

Ndryshe Programi për Vlerësim Ndërkombëtar të nxënësve “PISA”, ku marrin pjesë mbi 70 shtete, është publikuar sot.

Arritja e mesatare në shkencë në Kosovë është 378 pikë qe i bie se është 115 pikë nën mesataren Organizatave për Bashkëpunim Ekonomik dhe Zhvillim.

Mesatarja e arritshmërisë në lexim e Kosovës në “PISA” është 347 pikë dhe i bie të jetë 146 pikë nën mesataren e OBEZh-it. Nxënësit në Kosovë arrijnë 362 pikë me gjithsejtë 128 pikë nën mesatare të OBEZH-it.

Pra në të tri fushat e testimit Kosova është nën rezultatin mesatar. Këtij testimi i janë nënshtruar nxënësit 15 vjeçar.

Kosova ka marrë pjesë në “PISA” për herë të parë më 2015 ku janë përfshirë 28 komuna, 225 shkolla dhe 5161 nxënës. /RTV21/

YouTube player