Mata bombardon Reinan

Mesfushori Juan Mata shpërtheu në stërvitjen e Spanjës duke shënuar një gol të jashtëzakonshëm që e la të shtangur portierin Pepe Reina.

Sport

28/05/2014 17:27

Juan Mata tregoi potencialin e tij para syve të selektorit të Spanjës, Vicente del Bosque duke shënuar një gol të jashtëzakonshëm në stërvitje.

26-vjeçari realizoi nga distanca me një super goditje për të cilën nuk pati përgjigje portieri Pepe Reina. Mata, është inkuadruar në listën e gjerë të Del Bosques, për Kampionatin botëror në Brazil.

Mesfushori i Manchester Unitedit do të shpresojë të vazhdojë të lë mbresa tek 63-vjeçari para emërimit të skuadrës finale më 2 qershor.

Kampioni në fuqi është duke u përgatitur për miqësoren kundër Bolivisë të premten, para udhëtimit për në Amerikën e Jugut.

Spanja do të fillojë fushatën në Botëror kundër Holandës, në përsëritje të finales nga Johannesburg, katër vjet më parë.

Po ashtu në Grupin B janë edhe Australia dhe Kili.